091224@不平安的平安夜

話說24號的凌晨2點多我嘔吐了..辛苦到要我小命..

然後24號ge一整天都係暈陀陀中度過..

中午同左神敏去大陸,行左一個鐘都無就返左黎喇..

因為我就快暈低,所以捉埋佢返左屋企訓教..

訓訓下仲要聽到肥聰打比佢,真係眼冤..(耳冤?)

6點幾諗住同神敏去喂咪咪同小尤,點知呀公已經喂左..

所以就同佢去水坑尾行左個轉,跟住就搭車返屋企喇..

無計喇,人地有約嘛,去風流快活啦唔使理我..

一直係屋企等..暈陀陀咁等,等ah洪大姐食完飯..

等到佢天昏地暗9點多終於出得黎喇..

第一時間去珠記食左個雲吞麵,胃口都算ok啦..起碼食得落..

不過食完都係暈ah..唔知做乜野..

跟住係新馬路大三巴不停咁行黎行去,最後坐左係教堂對面..

因為我真係非常暈,行路都無力行喇..

咁巧合見到ah洪先生,即係洪大姐親大哥我哎呀大哥..

跟住就同佢吹左陣水啦..開心d啦你,大隻佬~

期間見到2個同學仔,打個招呼咁啦..

ah哥竟然話,"你係咪認錯人ah? 佢好似唔多理你wor.."

個心dump一聲由大堂跌左落下環街,戈刻好想同神敏講句,"殺你死.."

然後12點左右就行返去大三巴戈邊諗住有聖誕倒數啦,點知無喎..

跟住就開始我地漫長ge回家之路喇..

真係完全係爬返屋企,未試過咁樣暈陀陀無晒力咁..

經過鏡湖真係想入去睇急診..到時真係白色聖誕喇..

跟住暈下暈下行左成個鐘先返到屋企,西利到呢..

一返到屋企換件衫就訓左教喇..

到今日聖誕節喇,都係有少少暈,應該係因為未食野jeh..

好期待聽日第二組ge廣州之行ah!!應該會係呢個假期最開心ge事..

等你地等你地等你地許ceci加油換間大房~!!

091222~091223@苦中很樂

尋日中午同神敏,糖去買國文報告d材料..

跟住成個下午n晚上就係咪咪屋企整整整整整..

一直整到凌晨3點,索性唔返屋企啦係咪咪屋企訓..

3點先訓今朝7點起身..陰公,放緊假gar? 眼訓到喊..

返屋企沖涼洗頭換衫跟住去抽血..

有十九萬個人抽血不過都有十八萬個護士..

護士姐姐望住我隻滑溜溜ge手臂,話"嘩白雪雪咩都無geh?"

聽到呢句當堂呆左一呆..你唔係搵唔到條血管掛姐姐? 結果都係瘀左..

一抽完血即刻返屋企整埋國文報告d野,一直整整整,整到12點幾搞掂..

衝去取回鄉證,終於有啦!! 感動~~~

跟住又衝返下環街同神敏,飛機仔,小明,糖,kp,easy集合!!

我地今日出外景ah..等等下車前邊撞車,四分五裂..

諗住行去新馬路搭啦,點知行左一半見到有車黎緊又衝返轉頭..

嘩戈架咁ge26仔仲暈過金光飛航..西利到丫~!!

個個一落車戈刻都死掉了大半..小明應該算係最清醒gar lar..

我地一直拍,拍到無太陽為止..

我膝頭好痛..>< 腳背都好痛.. 跪碎石ah!!

跟住together返左好運食,極神奇地我無胃口..

今日成日淨日食左個沙津,飲左杯菜蜜,食左條雪條..

搞乜鬼野無胃口..好啦,就係咁,都幾開心geh..

wasabi,chocolate同旺財要相親相愛ah..!!

仲有仲有,平安夜n.聖誕無人約..又一個寂寞聖誕~

PS.今日發現最gentleman ge係easy同小明!!其他可以摺埋啦~

091221@沒有你們的一天

話說今日,用左2個鐘去起身,足足係張床度碌左2個鐘..

醒左沖涼換衫去神敏屋企整祕密東西..

我地係十分非常很比心機去整的..有血有汗gar!!

只係我地又無特別去學過,能夠成功整出黎已經好西利..

點解仲要比d咁絕ge批評,我地中學生柴娃娃玩意兒嘛..

點同d大企業大製作比jeh,又唔係整出去賣,使唔使咁鬧喎..

超級不爽超級不順超級超級超級超級想爆炸~!!

神敏聽日唔去你家整ah,去咪咪家啦我爆炸啦~

整到9點幾打包走人,因為實在比人批評夠喇..

買左野食返屋企..

而家等超人收工過黎取學生會個印章,因為佢聽日要開會~

等ah等ah等ah..佢放12點1點黎到而家11點半..等ah等ah等ah..

091218~091219@聯歡n HK遊

尋日係海星ge聖誕聯歡,好多expect會發生ge事都無發生到..

麵粉啦挑機啦剃鬚膏啦..其實都幾失望..

但係我地美食組都幾成功ah,我地一早就去左小明屋企整..

無人性gar佢地,我一個人拎3盤1袋佢地3個人拎2盤..

跟住聯歡玩d game,都ookk咁lar..3理乙,小新,ah杰佢地十幾個走左黎玩..

好好笑囉..其實好多都唔識gar,haha..

跟住食左舊wasabi三文治,喊到豬頭咁..d wasabi仲厚過塊包..

完左無得玩粉我十萬二分失望..

中午去左小明度睇"死神傻了",唔係幾好睇又唔係唔好睇..

睇完去左神敏屋企換衫,跟住傾左陣計..其實真係有d唔開心..

then4點左右同神敏,糖,飛機仔,小明,kp出左紅街市買野..

跟住搞掂我上左神敏度食飯n整東西..整咩? 係祕密~

跟住今日,一早起身搭車去威記再轉車去北安,搭10點半..

過香港關等左9個字,等到我抽筋..

去食文輝墨魚丸,好出名gar喎,但我覺得好普通jeh..

跟住行左金百利同東角買左個袋,次次去HK都係戈間買一個袋..

then with埋三姨n表妹去太古戈邊睇樓,睇左好多間..

其實,我真係好唔鍾意睇樓,really悶..可能因為唔係我買啦..

又可能因為..香港d樓我識鬼咩~

跟住去左和民食dinner,d野食雖然平,但好普通jeh,禾花亭好味d..

食完行左陣太古城就搭船走lu,搭10點..

家姐車左我地去食粥,而家累到爆炸,聽日去神敏度繼續整野..

好累好累,今次HK之行用左300蚊,100買袋200買Muji n marks..

PS.我無買衫ah,留返去廣州買,等你地ah第二組!!

091217@舊曲新詞歌唱比賽

今日係一年一度ge舊曲新詞歌唱比賽,係一個大日子..!!

因為我地班出左我,神敏,糖,肥嘟,誠ge詞,同埋歌手小明!!

我地呢班超專業fans仲整埋大大個夜光banner,我整gar!!

小明超感動呢,開心..

我要上台介紹創作動機,所以我同小明都係坐前面..

明明自己超級緊張但又要同小明講唔好緊張..

說真的,小明你今日真係唱得超級好!!

又好聽又記晒歌詞又有感情又有台風又唔怕緊張又靚仔又有型..

小明一出場就有fans吶喊喇..仲有觀眾伴唱同banner,型ah!!

最後我地填詞得左銀獎,雖然小明無演繹獎..

但係係我地心目中,你永遠都係第一名!!係我地ge no.1歌手!!

你為左呢個比賽付出ge努力我地二理甲全部都感受到..

你ge努力係無白廢gar,因為你贏左一班好好ge歌迷,我地專業gar!!

小明,I only wanna say..二理甲超愛你,你都要超愛二理甲!!

完左比賽我地二理同三理乙癲左咁係度影相,狂撞個針口..

雖然好痛不過好開心,理組超西利無得頂..

跟住with神敏,糖,飛機仔,小明去買聯歡d野食,跟住上小明家整..

玩左一陣又整左一陣7點多就走左喇,同神敏,,糖去左食飯..

一個墟又出動..又傾左好多計,我d直覺真係好準ge呢..

不過今日開心還開心,我個肚好唔舒服,食左粒藥都係無咩用..

聽日聯歡,超級無敵咁期待..愛你二理甲!!